Beynəlxalq idman araşdırmaları mərkəzi futbol bazarının öyrənilməsi ilə bağlı illik hesabatını təqdim edib. Apasport.az saytının məlumatına görə, hesabatda argentinalı hücumçu Lionel Messinin dünyanın ən qiymətli futbolçusu olduğu qeyd edilir.

Reytinqin tərtib edilməsi zamanı bir çox faktorlar nəzərə alınıb. Onların arasında idmançının yaşı, müqaviləsinin müddəti, meydandakı mövqeyi, son il ərzindəki statistikası, eləcə də oynadığı klubun oyunçunun gəlməsindən sonra göstərdiyi nəticə də var. Əsas kimi isə futbolçunun son transferinin qiyməti və müqavilədə onun alınması üçün tələb olunan məbləğ götürülüb.

Onu da qeyd edək ki, reytinqdə Avropanın 5 ən güclü çempionatında oynayan futbolçuların adı var:

1. Lionel Messi – 200,2 – 232,6 milyon avro

2. Kriştiano Ronaldo – 105,7 – 122,9 milyon avro

3. Luis Suares – 98,5 – 114,5 milyon avro

4. Eden Azar – 75,9 – 88,3 milyon avro

5. Neymar – 62,8 – 73 milyon avro

6. Pol Poqba – 60,6 – 70,4 milyon avro

7. Qaret Beyl – 58,4 – 67,8 milyon avro

8. Mesut Özil – 54,2 – 57,7 milyon avro

9. Edinson Kavani – 48 – 55,8 milyon avro

10. Mari Qötse – 47 – 54,6 milyon avro

Onu da qeyd edək ki, son bir ildə Messinin qiyməti 19 milyon avro düşüb, Ronaldonun qiyməti isə 4 milyon avro yüksəlib.