İki buraxılmış qol çilililərin turnir vəziyyətinə təsir etmədi.

Braziliyanın San-Paulu şəhərinin Korintians stadionunda qrup mərhələsinin üçüncü turunda Hollandiya Çili ilə qarşılaşdı.

Oxu.Az xəbər verir ki, oyun Hollandiya yığmasının 2:0 hesablı qələbəsi ilə qurtardı.

Hesabı 77-ci dəqiqədə sağ cinahdan ötürmədən sonra Leroy Fer açdı.

Narıncılar ikinci qolu hakimin əlavə etdiyi dəqiqələrdə vurdular. Aryen Robbenin ötürməsindən sonra Depaya fərqləndi.

İki buraxılmış qol çilililərin turnir vəziyyətinə təsir etmədi. Bu, onların ilk məğlubiyyətidir və onlar qrupdan ikinci yerdən pley-offa qatılacaqlar.