Oyunda hesabı 79-cu dəqiqədə Pol Poqba açdı.

Braziliyanın paytaxtında “Estadio Nasional” arenasında 1/8 finalın daha bir oyunu keçirildi. Fransa yığması Nigeriya ilə qarşılaşdı.

Oxu.Az xəbər verir ki, bərabər səviyyədə keçən oyunda fransızlar ikinci hissənin sonlarında vurduqları iki qolla qələbə qazandılar və 1/4 finala yüksəldilər.

Oyunda hesabı 79-cu dəqiqədə künc zərbəsindən sonra Pol Poqba açdı. Bu qolda qapıçının da kobud səhvini qeyd etmək lazımdır.

İkinci topu isə nigeriyalılar özləri öz qapısından vurdular. Hakimin əlavə etdiyi dəqiqələrdə Cozef Yobo uğursuz toxunuşu ilə hesab arasındakı fərqi iki topa çatdırdı.

Fransa 2:0 Nigeriya. 

Fransanın 1/4 finaldakı rəqibi bu gecə keçiriləcək Almaniya Əlcəzair matçında müəyyənləşəcək.