Braziliyada keçirilən dünya çempionatında vurulan ən gözəl 30 qol müəyyənləşdirilib. 

ANS PRESS-in məlumatına görə, ən gözəl qol kimi Kolumbiya yığması və Fransanın "Monako" klubunun üzvü Xaves Rodriqesin Uruqvay kollektivinin qapısından keçirdiyi qol seçilib. 

İkinci yerdə Avstraliya millisinin üzvü Tim Kehelin Hollandiya komandasının qapısından keçirdiyi qol, üçüncü yerdə isə isveçrəli Şakirinin Hondurasa vurduğu qol qərarlaşıb. 

Xatırladaq ki, Braziliyada keçirilən 2014-cü il dünya çempionatının qalibi finalda Messinin lideri olduğu Argentina millisini məğlub edən Almaniya yığması olub. Almaniya millisi əlavə vaxtda Mario Götzenin Argentina yığmasının qapısına vurduğu qolla qələbə qazanıb.