Miroslav Kloze dünya çempinatlarının ən sərrast futbolçusu oldu.

Almaniya yığması DÇ-2014-nin yarımfinal oyununda Braziliyanı darmadağın etdi, 7:1.

Oxu.Az xəbər verir ki, ilk 45-dəqiqədən sonra hesab 5:0 almanların xeyrinə idi.

11-ci dəqiqə Tomas Müller, 23 - Miroslav Kloze, 24 - Toni Kroos, 26 - Toni Kroos, 29 - Sami Khedira.

Oyunun ikinci yarısı braziliyalıların hücamları ilə başladı. Lakin onlar bir neçə əlverişli vəziyyəti boşa verdilər.

Əvəzində isə almanlar isə 69 və 79-cu dəqiqələrdə cənubi amerikalıların qapısından daha iki top keçirdilər. Meydançaya sonradan daxil olan Andre Şürle 10 dəqiqəyə dubl etdi. 

Braziliyalılar yalnız hakimin əlavə etdiyi dəqiqələrdə almanların qapısına yol tapa bildilər. Oscar cənubi amerikalıların təsəlli qolunu vurdu.

Almaniya 7:1 Braziliya. 

Bu Braziliya yığmasının dünya çempionatlarının tarixində ən böyük hesablı məğlubiyyətidir.