AFFA-nın İntizam Komitəsi yeni qərarlar qəbul edib. AZADİNFORM  qəbul edilən qərarları diqqətinizə çatdırır:

16 avqust 2014-cü il, 2014/2015 mövsümündə, XXIII Topaz Premyer Liqasının II turunun “Xəzər Lənkəran”-“Sumqayıt” matçında “Sumqayıt” klubunun 5 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Oyunun 38-ci dəqiqəsində “Xəzər Lənkəran” klubunun 1 №-li futbolçusu Orxan Sadıqlı sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

16 avqust 2014-cü il, 2014/2015 mövsümündə, XXIII Topaz Premyer Liqasının II turunun “Nefçi”-“Bakı” matçında “Bakı” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

15 avqust 2014-cü il, 2014/2015 mövsümündə, XXIII Topaz Premyer Liqasında çıxış edən klubların əvəzedici heyətlərinin II turunun “Xəzər Lənkəran”-“Sumqayıt” matçının 79-cu dəqiqəsində “Sumqayıt” klubunun baş məşqçisi Samir Abbasov hakimləri təhqir etdiyinə görə meydandan kənarlaşdırıldığı üçün 5 oyunluq cəzalanır, klub 2500 manat cərimə olunur (maddə 42.4).

16 avqust 2014-cü il, 2014/2015 mövsümündə, XXIII Topaz Premyer Liqasında çıxış edən klubların əvəzedici heyətlərinin II turunun “Simurq”-AZAL matçında “Simurq” klubunun 5 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

16 avqust 2014-cü il, 2014/2015 mövsümündə, XXIII Topaz Premyer Liqasında çıxış edən klubların əvəzedici heyətlərinin II turunun “Qəbələ”-“Araz Naxçıvan” matçının 90+1-ci dəqiqəsində “Qəbələ” klubunun 10 №-li futbolçusu Luis Paulo Hilario rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır, klub 1000 manat cərimə olunur (maddə 42.1).