Bildiyiniz kimi, bu yaxınlarda "Sumqayıt"la "Kapital Bank" arasında yeni sponsorluq müqaviləsi imzalandı. Hələ bu söhbət ortaya çıxanda yazmışdıq ki, artıq komanda yavaş-yavaş "Azərkimya"nın himayəsindən çıxmağa başlayır. Sonradan sifariş verilən yeni formaların da üzərində "Azərkimya"nın yuxarı "dartılması", "Kapital Bank"In isə böyük hərflərlə önə yazılması da dediklərimizin sübutu oldu.

Rekord.az-ın əldə etdiyi məlumata görə, bankın iddiaları bununla bitmir.

Bu mövsüm hələ ki, kluba 250 min manat ayrılacaq. Əgər komanda özünü yaxşı tərəfdən göstərə biləs, o zaman gələn yay müqavilə yenilənəcək, büdcə daha da artırılacaq və komandanın qarşısına avrokuboklara vəsiqə məqsədi qoyulacaq. Ümumiyyətlə, "Kapital Bank" rəhbərliyi istəyir ki, komandanın səhmlərini tamamilə öz əllərinə keçirib kluba legionerlər cəlb etsin və komandanı Avropaya çıxartsın. Bununla eyni zamanda bankına dı da daha böyük maştabda reklam olunmuş olacaq.