Azərbaycanlı investorlar Avstriyada klub alıb. Musavat.com xəbər verir ki, bu barədə "Neue Zürcher Zeitung" saytı yazıb. Söhbət "Ottakring" klubundan gedir.
"Ottakring" klubu Vyananın qərbində yaradılıb. Klub ölkənin futbol liqasının 6-cı divizionunda oynayır. Bu yaxınlarda isə Azərbaycandan olan səhmdarlar bu kluba müştəri düşüblər. Onlar klubu satın almaq istəyiblər. Amma bir şərtlə: komandanın adı "Qarabağ" olmalıdır.
Hazırda klubun adının "Qarabağ" olması ilə bağlı işlər aparılır. Məqsəd Vyana "Qarabağ"ının Avstriya çempionatında yer tutmasıdır.
Azərbaycanlı səhmdarların "Ottakring" klubunu satın almaq üçün nə qədər ödədiyi açıqlanmır.
Komandanın rəsmi saytında da artıq ad dəyişikliyi edilib və ""Qarabağ" futbol klubu" yazılıb.
Klubu alan investorların adları açıqlanmır. (musavat.com)
Xəbərdən istifadə edərkən istinad etmək vacibdir.
