Reytinq cədvəlinə mütləq dünya çempionu, meksikalı Xuan Manuel Markes başçılıq edir.
“Qəbələ” idman klubunun üzvü Fariz Məmmədov Ümumdünya Boks Təşkilatının (WBO) sentyabr ayı üçün açıqlanan yeni reytinq cədvəlində mövqeyini gücləndirib.
Qol.az xəbər verir ki, F.Məmmədov hələ iyunun 8-də almaniyalı Mattias Pelkə nokautla qalib gəlib WBO-nun Avropa kəmərinə sahib çıxmaqla orta yungül çəki dərəcəsində (66.68 kq) dünyanın ən güclü 10 boksçusu sırasına düşüb. İndi idmançımız avqust ayı ilə müqayisədə mövqeyini daha da gücləndirib.
Ötən ay doqquzuncu yerdə olan F.Məmmədov sentyabrda bir pillə də irəliləyib və hazırda öz çəki dərəcəsi üzrə dünyada səkkizincidir.
Bu çəkidə reytinq cədvəlinə mütləq dünya çempionu, meksikalı Xuan Manuel Markes başçılıq edir. Namibiyalı Betyuel Uşuna ikinci, amerikalı Timoti Bredli isə üçüncüdür.
Xəbərdən istifadə edərkən istinad etmək vacibdir.
