"8 komandalı çempionatı dəyərləndirmək... Bəli, gərgin oyunlar oldu. Amma bu gün çempionluq uğrunda az komanda mübarizə aparır. Faktiki olaraq, əsas namizədlər "Qarabağ" və "Qəbələ"dir".
Xeberle.com Qol.az-a istinadən məlumat verir ki, bu sözləri Azərbaycanın əməkdar məşqçisi Ağasəlim Mircavadov deyib. Topaz Premyer Liqanın birinci dövrəsini dəyərləndirən mütəxəssis əsas favoritin yenə "Qarabağ” olduğunu söyləyib:
"Ağdam klubu kubokdan da əlini üzdü. Bütün gücünü çempionluq olmaq üçün ortaya qoyacaq. Sözdə bundan sonra "Qarabağ"ın asan çempion olacağını demək olar. Amma kubokda "Sumqayıt"a məğlubiyyət göstərdi ki, futbolla zarafat etmək olmaz. Gərgin oyunlar hələ irəlidədir".
"Qəbələ"nin də əsas hədəfi çempion olmaqdır. Rəhbərliyin bu addımını düzgün qərar hesab edirəm. Çünki məqsəd olmalıdı ki, buna çatmaq üçün işləyəsən. Reallığa qalsa, bu gün çempionluq yarışında "Qarabağ"a rəqib görmürəm. Amma bu futboldur. Yenə deyirəm, kubok oyunu göstərdi ki, futbolla zarafat etmək olmaz. Hansısa nəticə qazanmaq istəyirsənsə, hər şeyə hazır olmalısan. Birincisi, özün yaxşı oynamalısan, ikincisi isə rəqibləri qiymətləndirməlisən".
Xəbərdən istifadə edərkən istinad etmək vacibdir.
