Ötən turda "Zirə” ilə qarşılaşmanın ardından 1 günlük istirahətə buraxılan "Sumqayıt” bu gündən məşqləri bərpa edib.
Qol.az-ın klubun saytına istinadən yaydığı xəbərə görə, komandaz baş məşqçi Samir Abasovun rəhbərliyi altında saat 11:00-da "Kapital Bank Arena”da məşqə çıxıb.
Bərpa prosesi keçən Elnur Abdullayev fərdi hazırlıqla kifayətlənib. 1.5 saat davam edən məşqdə əsasən toplu çalışmalara üstünlük verilib.
Qeyd edək ki, "Sumqayıt” - "Neftçi” qarşılaşması 17 fevral saat 18:30-da "Kapital Bank Arena”da keçiriləcək. Oyun CBC Sport telekanalı ilə canlı yayımlanacaq.
Xəbərdən istifadə edərkən istinad etmək vacibdir.
