Futbol üzrə 19 yaşadək futbolçulardan ibarət Azərbaycan milli komandası Rusiya yığması ilə iki yoldaşlıq oyunu keçirəcək.
Xeberle.com Report-a istinadən xəbər verir ki, matçlar martın 22 və 25-də Bakıda keçiriləcək. Qarşılaşmaların hansı stadionda baş tutacağı hələlik bilinmir.
Qeyd edək ki, Rusiyada U-19 komandası olmadığı üçün Bakıya 2000-ci il təvəllüdlü futbolçulardan təşkil edilmiş U-18 kollektivi səfər edəcək. Növbəti tsiklə hazırlaşan Azərbaycanın U-19 millisi də 2000-ci il təvəllüdlü oyunçulardan formalaşdırılıb.

Xəbərdən istifadə edərkən istinad etmək vacibdir.