"Sumqayıt”ın nümayəndələri Novruz bayramı ilə əlaqədar olaraq, Sumqayıt şəhərində yerləşən sağlamlıq imkanları məhdud olan uşaqlar üçün xüsusi tipli internat məktəbini ziyarət ediblər.
Xeberle.com xəbər verir ki, tədbirə "Sumqayıt”ın prezidenti Riad Rəfiyev, vitse-prezident Vaqif Ömərov, "A” komandanın baş məşqçisi Samir Abasov və futbolçular - Vurğun Hüseynov, Fərhad Vəliyev, Azər Salahlı, Süleyman Əhmədov qatılıblar.
Görüş zamanı uşaqlara klubun idman geyimləri və müxtəlif hədiyyələr təqdim olunub.
Tədbirin sonunda "Sumqayıt” klubunun nümayəndələri Novruz bayramı ilə əlaqədar olaraq, məktəbin hazırladığı xüsusi proqramı izləyiblər.
Xəbərdən istifadə edərkən istinad etmək vacibdir.
