Azərbaycan Premyer Liqasında 22-ci tura yekun vurulub.
Turun son qarşılaşmasında "Neftçi" və "Sumqayıt" komandaları üz-üzə gəlib.
"Bakcell Arena"da FİFA referisi Əliyar Ağayevin idarə etdiyi görüşdə qalib müəyyənləşməyib - 2:2.
Bununla da ardıcıl məğlubiyyətsiz oyunlarının sayını 10-a çatdıran "Sumqayıt" xallarını 36-ya çatdıraraq, 3-cü pillədəki mövqeyini qoruyub. "Neftçi" isə 31 xalla 5-ci pillədə qalıb.
Qeyd edək ki, turun digər oyunlarında "Qarabağ" "Səbail"i 1:0 hesabı ilə yenib. "Kəpəz" - "Keşlə" və "Zirə" - "Qəbələ" matçları isə 1:1 hesablı heç-heçə ilə yekunlaşıb.
Azərbaycan Premyer Liqası, XXII tur
18:30. "Neftçi” – "Sumqayıt” - 2:2
Qollar: Mirabdulla Abbasov, 45. Namik Ələskərov, 63 - Rəşad Eyubov, 41. Cavid İmamverdiyev, 78
"Bakcell Arena”
İlk üç dövrə: 0:1, 2:1, 0:2
(Publika.az)
Xəbərdən istifadə edərkən istinad etmək vacibdir.
