UEFA Fransa PSJ-sinin sponsorluq müqavilələrindəki mümkün pozuntuları araşdırır.
"The Financial Times" nəşrinin məlumatına görə, Paris klubu sponsor gəlirləri barədə 200 milyon avro məbləğində şişirdilmiş rəqəm təqdim edib.
Bu vəsait ötən yay Neymarın İspaniya "Barselona"sından və Kilian Mbappenin Fransa "Monako"sundan transferinə sərf olunub. Onlar müvafiq olaraq, 222 milyon avro və 200 milyon avroya alınıblar. UEFA PSJ-nin sponsor anlaşmalarını yoxlamasını "Octagon" şirkətinə həvalə edib. Qurum məsələ ilə bağlı yekun qərarı maliyyə ili yekunlaşdıqdan sonra verəcək.
Maliyyə feyr-pleyi qaydalarının pozulduğu təsdiqlənsə, Fransa klubu böyük məbləğdə cərimələnə və ya Çempionlar Liqasında iştirakdan kənarlaşdırıla bilər.
Qeyd edək ki, bu mövsüm PSJ-ni Avropanın ən nüfuzlu klub turnirinin 1/8 finalında İspaniya "Real Madrid"i üstələyib.("Report")

Xəbərdən istifadə edərkən istinad etmək vacibdir.