"1970-ci ildən "Səthi Aktiv Maddələr"
zavodunun balansında olan və sonradan SOCAR-ın Sosial İnkişaf İdarəsi tərəfindən
"Neftçi İdman klubu" İctimai Birliyinə əvəzsiz istifadəyə verilən
mövcud idman kompleksi uzun müddətdir ki, yararsız hala düşüb. Buna rəğmən Azərbaycanda
cüdo idman növünün aparıcı qüvvələrini sumqayıtlılar təşkil edir və beynəlxalq
yarışlarda Sumqayıt cüdoçuları respublikamızı layiqincə təmsil edirlər."
Xeberle.com xəbər verir ki, bu sözləri
"Azərikimya” İstehsalat Birliyinin Sosial İnkişaf şöbəsinin müdiri Fikrət
Əliyev deyib.
F. Əliyev bildirib ki, mövcud idman
kompleksinin əsaslı təmirinə və yenidən qurulmasına qərar verilib, mart ayından idman kompleksində əsaslı təmir
işləri aparılır:
"Təmir işləri Birliyin Təmir-tikinti idarəsi tərəfindən
icra olunur. Əsaslı təmir işlərinə idman zalının və daxili otaqların əsaslı təmiri
və dam örtüyünün yenidən qurulması daxildir. Komplek binasının fasadının təmiri,
istilik və havalandırma sistemlərinin qurulması isə tender yolu ilə qalib gələn
şirkət tərəfindən icra olunacaq. Cüdo Mərkəzinin bu ilin avqust ayının sonunda istifadəyə verilməsi nəzərdə tutulur.”
Xeberle.com
Xəbərdən istifadə edərkən istinad etmək vacibdir.
