"Sumqayıt" daha bir futbolçu ilə anlaşıb.
Xeberle.com apasport.az-a istinadən xəbər verir ki, "gənclik şəhəri" təmsilçisi müdafiə xəttini gücləndirib.
Belə ki, "Qəbələ"nin arxa xətt oyunçusu Yusif Nəbiyev yeni mövsümdən Nazim Süleymanovun rəhbərliyi altında çıxış edəcək. Ötən mövsümün ilk yarısını icarə əsasında "Zirə"də keçirən və ardından "Qəbələ"yə dönən gənclər yığmamızın üzvü "qırmızı-qaralar"da qalmayıb.
Bir neçə futbolçu ilə yollarını ayıran "Sumqayıt" müdafiənin cinahında yaranmış boşluğu məhz 21 yaşlı oyunçu ilə doldurub.
Qeyd edək ki, Nəbiyev artıq bir dəfə "Sumqayıt"da çıxış edib. Belə ki, o, 2016-17 mövsümünü icarə əsasında bu klubda keçirib.
Xəbərdən istifadə edərkən istinad etmək vacibdir.
