"Keşlə" baxışa yeni futbolçu çağırıb.
Xeberle.com xəbər verir ki, klubun mətbuat xidmətindən Qol.az-a verilən məlumata görə, serbiyalı yarımmüdafiəçi Nikola Mitroviç hazırda paytaxt təmsilçisinin düşərgəsindədir. Mladen Milinkoviçin istəyilə baxışa cəlb olunan 31 yaşlı futbolçu ilə bağlı yaxın günlərdə qərar veriləcək. Onunla rəsmi müqavilə imzalanacağı gözlənilir.

Qeyd edək ki, son olaraq Polşanın "Visla" klubunda çıxış edən Mitroviç müxtəlif illərdə "Partizan", "Uypeşt", "Makkabi" (Təl-Əviv) və "Anortosis" kimi komandaların da formasını geyinib. Təcrübəli yarımmüdafiəçi Serbiya millisinə də dəvət alıb və cəmi 1 oyunda meydana çıxıb.