Premyer Liqanın 2-ci turu çərçivəsində "Sabah”la qarşılaşacaq olan "Sumqayıt” Futbol Klubu hazırlıqlarını davam etdirir. Nazim Süleymanovun yetirmələri Mehdi Hüseynzadə adına Sumqayıt Şəhər stadionunda məşq edirlər. Məşqin əvvəlində toplu çalışmalara üstünlük verən "Sumqayıt” FK hazırlığı iki tərəfli oyunla yekunlaşdırıb.
"Sabah” - "Sumqayıt” qarşılaşması 19 avqust, saat 20:30-da "Əlincə Arena”da keçiriləcək. Matç "CBC Sport” telekanalı ilə canlı yayımlanacaq.
Xəbərdən istifadə edərkən istinad etmək vacibdir.
