Futbol üzrə Azərbaycan yığma komandası Millətlər Liqasında Kosovo və Malta yığmalarına qarşı keçirəcəyi oyunların hazırlıqlarına başlayıb.
Xeberle.com-un AFFA-nın rəsmi saytına istinadən verdiyi məlumata görə, ilk məşq "Dalğa Arena"da baş məşqçi Qurban Qurbanovun rəhbərliyi altında gerçəkləşib. Çalışmalara legionerlərlə yanaşı, "Qarabağ"dan dəvət alınmış 6 futbolçu da qatılmayıb. Ağdam komandasının oyunçularının Moldova "Şerif"i ilə Avropa Liqasının pley-off mərhələsinin cavab matçından sonra millinin məşqlərinə qoşulacaqlar.
Qeyd edək ki, Kosovo ilə görüş sentyabrın 7-də Bakı Olimpiya Stadionunda keçiriləcək. Bundan 3 gün sonra isə Azərbaycan millisi Maltanın qonağı olacaq.
Xəbərdən istifadə edərkən istinad etmək vacibdir.
