İspaniyanın Madrid şəhərində keçirilən 2018-ci il Dünya Çempionatında Azərbaycan karateçiləri ilk medallarını qazanıblar.
Xeberle.com xəbər verir ki, 5 qat dünya çempionu, 75 kq çəki dərəcəsində mübarizə aparan Rafael Ağayev bürünc medal uğrunda döyüşdə özbəkistanlı Dastonbek Otobolaevlə qarşılaşıb.
33 yaşlı idmançımız rəqibini məğlub edərək bürünc medal qazanıb. Bu, Rafael Ağayevin karyerası ərzində ilk dünya üçüncülüyüdür.
68 kq çəki dərəcəsində döyüş qadın karateçimiz İrina Zaretska isə finalda Rusiya təmsilçisi Viktoriya İsaeva ilə qarşılaşıb. Döyüşü qələbə ilə başa vuran idmançımız çempionatda komandamıza ilk qızıl medal qazandırıb. Bu, onun karyerasındakı ilk dünya çempionluğudur.
Xəbərdən istifadə edərkən istinad etmək vacibdir.
