"Qarabağ”ın Avropa Liqasındakı rəqiblərindən olan "Arsenal” futbolçusu Danni Uelbeklə bağlı qərarını verib.
Xeberle.com unikal.org-a istinadən xəbər verir ki, "topçular” mövsümün sonunda müqaviləsi bitəcək 28 yaşlı forvardla yeni sözləşmə imzalamayacaq. Bu barədə İngiltərənin "The Times” nəşri məlumat yayıb.Xəbərdə, baş məşqçi Unay Emerinin Uelbekin tez-tez zədələnməsinə görə narahat olduğu və onu komandada görmək istəmədiyi bildirilib.
Avropa Liqasının qrup mərhələsinin 4-cü turunda Portuqaliya "Sportinq”i ilə qolsuz bərabərliklə başa çatan matçda ayağı sınmış Uelbek, uzun müddət meydana çıxa bilməyəcək.
"Arsenal”ın daha bir futbolçusu - Aron Remzi ilə də müqaviləni yeniləməyəcəyi bildirilmişdi.
"Qarabağ” Avroliqanın E qrupunda "Arsenal”la eyni qrupda mübarizə aparır. "Topçular” dekabrın 14-də, öz meydanında "Qarabağ”ı qəbul edəcək. Komandalar arasında Bakı Olimpiya Stadionunda baş tutan matçda London komandası 3 cavabsız qolla qalib gəlib.
Xəbərdən istifadə edərkən istinad etmək vacibdir.
