"Qarabağ"ımız haitili futbolçu Donald Geryeylə yolları ayırıb.
Xeberle.com klubun "facebook"dakı rəsmi saına istinadən xəbər verir ki, Gerye klubumuzla razılaşdırılmış tarixdə düşərgəmizə qoşulmayıb və təlim-məşq toplanışıyla yanaşı, Çempionlar Liqasının I təsnifat mərhələsində "Partizani"ylə görüşdə iştirak etməyib. Bu səbəbdən də futbolçu ilə yolları ayırmaq qərarı verilmişdir.
Məsələ ilə bağlı klubun direktoru Emrah Çelikel unikal.org-a açıqlamasında futbolçunun müqavilə müddətinin bitdiyini deyib:
"Geryenin bizimlə müqavilə müddəti başa çatıb. Biz də onunla yenidən müqavilə bağlamaq istəmədik və yollarımızı ayırdıq".
Qeyd edək ki, Gerye 2017-ci il iyulun 6-da Azərbaycan Premyer Liqası təmsilçilərindən olan "Qarabağ" klubu ilə iki illik müqavilə imzalayıb.
Xəbərdən istifadə edərkən istinad etmək vacibdir.
