İdarədən Xeberle.com-a verilən məlumata görə, tədbiri giriş sözü ilə açan Baş İdarənin rəisi Elgün Hümbətov iştirakçıları salamlayaraq, ölkə və şəhər rəhbərliyinin gənc nəslə göstərilən qayğısından və respublikada dövlət gənclər siyasətinin uğurlu inkişafından, Sumqayıtda aparılan yenidənqurma və abadlıq işlərindən danışıb.

Qeyd olunub ki, məqsəd "Azərbaycan gəncliyi 2017 – 2021-ci illərdə” Dövlət Proqramından irəli gələn vəzifələri, Sumqayıt şəhərinin 70 illik yubileyi əlaqədar təsdiq olunmuş Tədbirlər Planını icra etmək, gənclərin hərtərəfli inkişafına nail olmaq, sağlamlıqlarını möhkəmləndirmək, bacarıqlarını inkişaf etdirmək və asudə vaxtlarının səmərəli təşkilidir.

Yarışda ümumilikdə 8 komanda və hər komandadan 7 nəfər olmaqla 56 gənc qalib adı uğrunda mübarizə aparıb.

Gərgin keçən yarışmanın yekun nəticəsinə əsasən I yerə Sumqayıt Asan Xidmət Mərkəzinin "Mübariz”, II yerə Sumqayıt Qızıl Aypara Cəmiyyəti, III yerə isə Gənclər Evinin eyni adlı komandaları layiq görülüb.

Qalib komandalar Baş İdarənin kubok, medal, fəxri fərman və hədiyyələri ilə təltif edilib.