Sumqayıt
2 nömrəli Uşaq Gənclər İdman Şahmat Məktəbində şəhər Gənclər və İdman Baş İdarəsinin təşkilatçılığı
ilə əlilliyi olan gənclər arasında Sumqayıt şəhərinin 70 illiyinə
həsr olunmuş dama üzrə turnir keçirilib
Tədbirdə çıxış edən Baş İdarənin rəisi Elgün Hümbətovturnirin
Sumqayıt şəhərinin
70 illiyinə həsr edildiyini və ölkə
başçısı cənab İlham Əliyevin 15 sentyabr 2017-ci il tarixli sərəncamı ilə təsdiq
edilmiş "Azərbaycan Gəncliyi 2017 - 2021-ci illərdə” dövlət proqramının müvafiq
bəndlərinə,şəhərin
70 illik yubileyi əlaqədar təsdiq olunmuş Tədbirlər Planına uyğun olaraq gənclərin dünya görüşünü, intellektual
səviyyəsini, zehni inkişafını stimullaşdırmaq,asudə vaxtlarını səmərəli təşkil
etmək məqsədilə keçirildiyini diqqətə çatdırdı. Bildirildi ki, Sumqayıtda aparılan geniş miqyaslı yenidənqurma
və abadlıq işləri hər bir sakini sevindirirvə görülən işlər şəhərin 70 illik
yubileyinə öz töhfəsini verməkdədir.
Gərgin və maraqlı şəraitdə keçən yarışın sonunda fərdi
mübarizədə I yerə Rzalı Nərmin, II yerə Pirməmmədova Vəfa, III yerə isə Səfərova
Xəyalə, komanda yarışlarında I yerə "Gənc Sumqayıt” komandası, II yerə
"Sumqayıt 70” komandası, III yerə
"Kimyaçılar komandası” layiq görüldülər.
Qaliblərə Baş İdarənin fəxri fərman, kubok, medal vəhədiyyələri
təqdim olundu.
Xəbərdən istifadə edərkən istinad etmək vacibdir.
