"Bu yaxınlarda Çağlar Atəş adlı türkiyəli futbolçu baxışa gəlmişdi. Ancaq onu bəyənmədik. 4 gün ərzində sınaq müddətində özünü doğrultmadı”. Bu sözləri açıqlamasında "Sumqayıt” klubunun baş meneceri Ceyhun Sultanov deyib.

 Onun sözlərinə görə, hücumameyilli yarımmüdafiəçinin məşqlərdəki çıxışı baş məşqçi Aqil Məmmədovu razı salmayıb: "Həmin futbolçunu tərifləmişdilər, biz də baxışa çağırdıq. Komandanın məşqçilər korpusu onu yoxladı. Lakin Çağların çıxışı Aqil müəllimi qane etmədi. Buna görə də, vətəninə yola salındı. Qarşıdakı günlərdə düşərgəyə başqa oyunçular da gələ bilər. Çalışacağıq ki, ölkə xaricində olan Azərbaycan əsilli futbolçuları diqqətdə saxlayaq və onlarla danışığa başlayaq”.(apasport.az)