"Sumqayıt"ın baş məşqçisi Aqil Məmmədov "Qarabağ"la oyundan sonra maraqlı açıqlama ilə diqqət çəkib. 

Gənc məşqçi bəzən futboldan birdəfəlik getmək istədiyini açıqlayıb: "Əgər komanda zəif oynayıb uduzsa adamı o qədər də yandırmaz. Amma bir çox oyunlarda həqiqətən də yaxşı oynayırıq, hətta rəqibi aşkar şəkildə üstələyirik, amma yenə qələbə qazana bilmirik. Oyun olub ki, bir qapıya oynamışıq, xeyli qol imkanı əldə etmişik, amma rəqib təsadüfi hücum təşkil edib qol vurub qələbə qazanıb. Açığı bəzən elə olur ki, futboldan birdəfəlik getmək istəyirəm". (rekord.az)