Futbol üzrə Azərbaycan Premyer Liqasında 2020/2021 mövsümünə yekun vurulub.
Xeberle.com xəbər verir ki, çempionatın son görüşündə "Neftçi" və "Qarabağ" komandaları üz-üzə gəlib.
"Dalğa Arena"da keçirilən görüş "Nefçi" klubunun 1:0 hesablı qələbəsi ilə başa çatıb. Oyunda yeganə qolu Əhməd Əhmədov (90+3 dəqiqə) vurub.
Bununla da xallarının sayını 59-a çatdıran "Neftçi" "Qarabağ"ın ardıcıl 7 mövsümlük çempionluğuna son qoyaraq qızıl medallara yiyələnib. Bu, flaqmanın 9-cu çempionluğu olub.
"Neftçi" UEFA Çempionlar Liqasında iştirakı təmin edib. "Qarabağ" isə 2021-2022-ci il mövsümündə UEFA Konfrans Liqasına qatılacaq.
Qeyd edək ki, "Ağ-qaralar"a qızıl medalları baş məşqçi karyerasında ilk dəfə Samir Abasov qazandırıb.
Xəbərdən istifadə edərkən istinad etmək vacibdir.
