Fransanın "Pari-Sen-Jermen” ("PSJ") futbol komandası Lionel Messinin təqdimatı ilə bağlı Eyfel qülləsini icarəyə götürüb.
Xeberle.com xəbər verir ki, bu haqda məlumatı "ESPN” telekanalı yayıb.
Məlumata əsasən, "PSJ” Eyfel qülləsini avqustun 10-u üçün icarəyə götürüb. Belə ki, "Barselona” klubundan ayrılan argentinalı ulduz futbolçu Lionel Messinin təqdimat mərasiminin məhz burada baş tutacağı qeyd olunub.
Həmçinin qeyd olunur ki, Messi bu gün "PSJ” komandasında tibbi baxışdan keçəcək.
Qeyd edək ki, Lionel Messi dünən keçirilən brifinqdə gələcək karyerası ilə bağlı sualları da cavablandırıb.
""PSJ” mümkün variantlardan biridir. Amma hələlik heç kimə zəmanət verməmişəm. Bu an üçün hələ heç nə rəsmən təsdiq olunmayıb. "Barselona”nın bəyanatından sonra mənə digər klublardan da çoxlu zənglər olub”, - deyə Messi vurğulayıb.
Xəbərdən istifadə edərkən istinad etmək vacibdir.
