Bu gün yeni gənclər və idman naziri Fərid Qayıbov kollektivə təqdim edilib.
Xeberle com xəbər verir ki, F.Qayıbovu kollektivə Azərbaycan Respublikası Prezident Administrasiyasının Gənclər siyasəti və idman məsələləri şöbəsinin müdiri Yusuf Məmmədəliyev təqdim edib. O, yeni nazirin idman ictimaiyyətində yaxşı tanınan biri olduğunu vurğulayıb: "İdman sahəsində biliyi, təcrübəsinə görə ölkə rəhbəri tərəfindən bu məsul vəzifə ona həvalə edilib. Azərbaycan dünyada idman ölkəsi kimi tanınır. Bu, bizi qürurlandırır. Uğurlara baxmayaraq, bəzi çatışmazlıqlara diqqət yetirməliyik".
Yeni gənclər və idman naziri Fərid Qayıbov ona göstərilən etimada görə Prezident İlham Əliyevə təşəkkür edib:
"Hamımızın Azərbaycan idmanında olan çətinliklərlə bağlı məlumatımız var. Biz bu işlərin birlikdə öhdəsindən gəlməliyik”.
Qeyd edək ki, ötən gün Prezident İlham Əliyevin sərəncamı ilə Fərid Qayıbov gənclər və idman naziri təyin olunub.
Xəbərdən istifadə edərkən istinad etmək vacibdir.
