Antalyada təlim-məşq toplanışında olan "Qarabağ" klubu bu gün növbəti matçına çıxıb.

Ağdam təmsilçisi bu gün son Polşa çempionu "Legiya" ilə qarşılaşıb.

Qurban Qurbanovun komandası Avropa Liqasının 1/16 finalında mübarizəni davam etdirən "Legiya"nı 2:0 hesabı ilə məğlub edib. Bu, təmsilçimizin Antalya hazırlığı çərçivəsində keçirilən yolxalama oyunlarında ilk qələbəsi olub.

"Qarabağ"  ilk sınaq matçında  Xorvatiyanın "RNK Split" klubuna məğlub olub - 1:3. Ardından İsveçrə "Sürix”i ilə heç-heçə edən (1:1) komandamız son görüşündə "Levski" (Bolqarıstan) klubuna 0:3 hesabı ilə məğlub olub.  (qol.az)