14-17 oktyabr 2021-ci il tarixlərdə Azərbaycan Respublikası Gənclər və İdman Nazirliyinin, Azərbaycan Universal Döyüş Federasiyasının və Ağdam Rayon İcra Hakimiyyətinin təşkilatçılığı ilə Ağdam Olimpiya İdman Kompleksində Ümummilli lider Heydər Əliyevin xatirəsinə həsr olunmuş Universal Döyüş növü üzrə turnir keçirilib.
Turnirin açılış mərasimində Ağdam Rayon İcra Hakimiyyətinin başçısı Vaqif Həsənov, Azərbaycan Respublikası Gənclər və İdman Nazirliyinin və Universal Döyüş Federasiyasının rəhbərliyi iştirak edib. Açılış mərasimidnən sonra yarışlara start verilib. Bir çox idmançının qüvvəsini sınadığı yarışda Sumqayıt Universal döyüş klubu da iştirak edib. Sumqayıt idmançıları turnirdə uğurla çıxış edərək 1 qızıl, 2 gümüş, 2 bürünc medal əldə ediblər. İdmançılardan Xalid Hüseyinov qızıl, Emil Tahirov və Əfsan Vəliyev gümüş, Amil Azayev və Ümid Məcidli isə bürünc medallar qazanıblar.