AFFA Apellyasiya Arbitraj Tribunalı "Sumqayıt" klubunun şikayətinə baxıb.
Xeberle.com milli assosiasiyanın rəsmi saytına istinadən xəbər verir ki, qurum "gənclik şəhəri" təmsilçisinin şikayətini təmin etməyib.
AFFA İntizam Komitəsinin oktyabrın 29-da Murad Xaçayev haqqında verdiyi qərar qüvvədə saxlanılıb.
Qeyd edək ki, Murad Xaçayev səfərdə "Sabah" komandasına 0:3 hesabı ilə uduzduqları Azərbaycan Premyer Liqasının VIII tur matçında "aqressiv hərəkət”ə görə birbaşa qırmızı vərəqə alaraq meydançadan kənarlaşdırılıb. Ona 5 oyun cəza, klubuna 4000 manat cərimə kəsilib.
Xəbərdən istifadə edərkən istinad etmək vacibdir.
