11-16 fevral 2022-ci il tarixlərində Bakı şəhərində boks üzrə 2004-2005-ci il təvəllüdlü gənclər arasında Azərbaycan birinciliyi keçirilmişdir. Birincilikdə 50 komandadan 176-dan çox boksçu mübarizə aparmışdır. Altı gün davam edən və gərgin idman mübarizəsi şəraitində keçən yarışda Sumqayıt idmançıları Kənan Babayev (48 kq) və Kamil Babayev (54 kq) bütün rəqiblərinə qalib gələrək fəxri kürsünün ən yüksək pilləsinə qalxmışlar. Onun komanda yoldaşları Elgün Babayev (51 kq), Nadir Məlikov (57 kq) və Elay Səmədov (86 kq) isə birinciliyin gümüş medalına layiq görülmüşlər.
Qeyd edək ki, idmançıların məşqçi-müəllimləri Elbrus Rzayev və Nəvai Quliyevdir.
"Təhsil” RİM-in Sumqayıt şəhər 1 nömrəli İOEUGİŞM-nin məşqçi-müəllimi, boks üzrə şəhərin baş məşqçisi, Azərbaycan Respublikasının Əməkdar məşqçisi Rzayev Elbrus yarışın ən yaxşı məşqçisi, məktəbin məşqçi-müəllimi Azərbaycan Respublikasının Əməkdar məşqçisi, Beynəlxalq dərəcəli hakim Anar Nağdıyev isə yarışın ən yaxşı hakimi adına layiq görülmüşlər.
Xəbərdən istifadə edərkən istinad etmək vacibdir.
