Sumqayıt şəhər Gənclər və İdman Baş İdarəsinin təşkilatçılığı ilə 25 fevral 2022-ci il tarixində Paralimpiya İdman Kompleksində pnevmatik silahdan güllə atıcılığı üzrə 24-25 fevral tarixlərində isə 25 nömrəli tam orta məktənin idman zalında voleybol üzrə "26 fevral – Xocalı Soyqrımı günü”nə həsr edilmiş şəhər yarışları keçirilmişdir.
Gərgin və maraqlı idman mübarizəsi şəraitində keçən yarışda güllə atıcılığı üzrə İqtisadi Zonaların İnkişafı Agentliyinin nəznində Sumqayıt Peşə Təhsil Mərkəzinin komandası (54 xalla), Sənaye və Yüksək Texnologiyalar üzrə Sumqayıt Dövlət Peşə Təhsil Mərkəznin birinci ( 49 xalla ) və ikinci (34 xalla) komandaları müvafiq olaraq birinci, ikinci, üçüncü yerləri tutmuşdur.
Voleybol üzrə turnirdə isə Sumqayıt Gənclərin İnkişaf Karyera Mərkəzinin komandası qızıl, Gənclər Evinin komandası gümüş, Sumqayıt Könüllülər Cəmiyyətinin komandası isə bürünc medala layiq görülmüşlər.
Yarışların qalib və mükafatçıları şəhər Gənclər və İdman Baş İdarəsi tərəfindən fəxri fərman, medal və hədiyyələrilə təltif olunmuşdur.
Xəbərdən istifadə edərkən istinad etmək vacibdir.
