Sumqayıtda ölkəmizdə martın 5-də qeyd edilən Bədən Tərbiyəsi və İdman Gününə həsr olunan silsilə tədbirlər davam etdirilir. Sumqayıt şəhər Gənclər və İdman Baş İdarəsi və Gənclər Evinin birgə təşkilatçılığı ilə "İdman həftəsi” çərçivəsində məhdud fiziki imkanlı gənclər arasında dama üzrə turnir keçirilib.
İdarədən Xeberle.com-a bildirilib ki, yarışın nəticəsinə əsasən qızlar arasında Vəfa Pirməmmədova, Nərmin Rzalı, Aynurə Əzizəliyeva, oğlanlar arasında isə Salman Həşimov, Tural Hacıyev və Ayxan Hadıyev müvafiq olaraq I-III yerləri tutublar.
Qalib və mükafatçılar Baş İdarənin fəxri fərmanı, medal və hədiyyələri ilə təltif ediliblər.
Xəbərdən istifadə edərkən istinad etmək vacibdir.
