Ölkəmizdə velosiped idmanının inkişaf etdirilməsi və coğrafiyasının genişləndirilməsi istiqamətində görülən işlər çərçivəsində Azərbaycan Velosiped İdmanı Federasiyası "Sumqayıt” velosiped idmanı klubunun inkişafına və fəaliyyətinə dəstək olmaq məqsədi ilə əməkdaşlığa başlayıb.
Federasiyanın mətbuat xidmətindən Xeberle.com-a bildiriblər ki, birgə işbirliyinin əsas məqsədi kütləviliyi təmin etmək, insanları ekoloji cəhətdən təmiz nəqliyyat vasitəsi olan velosipeddən istifadəyə həvəsləndirmək, həmçinin yeniyetmə və gənclər arasında sağlam həyat tərzini təbliğ etməkdir.
Azərbaycan Velosiped İdmanı Federasiyasının prezidenti Mədət Quliyev tərəfindən Sumqayıt klubuna velosipedlər və ehtiyat hissələri hədiyyə edilib.
Xəbərdən istifadə edərkən istinad etmək vacibdir.
