Sumqayıt şəhər Gənclər və İdman Baş İdarəsinin və Azərbaycan Cüdo Federasiyasının (ACF) təşkilatçılığı ilə cari ilin 16-17 aprel tarixlərində Sumqayıt Olimpiya İdman Kompleksində 15 yaşa qədər yeniyetmə cüdoçular arasında Sumqayıt şəhər birinciliyi keçirilmişdir.
Şəhər yarışının açılış mərasimində çıxış edən Sumqayıt Şəhər Gənclər və İdman Baş İdarəsinin rəisi Elgün Hümbətov və Azərbaycan Cüdo Federasiyası Prezidentinin müşaviri, Əməkdar İdman Ustası Natiq Bağırov bildirmişlər ki, yarışın keçirilməsində məqsəd ölkəmizin bütün regionlarında cüdo idman növünü daha da populyarlaşdırmaq və kütləviləşdirmək ilə yeni istedadların kəşf edilməsi sistemini yaratmaq, həmçinin yeniyetmələr və gənclər arasında idman vasitəsi ilə sağlam həyat tərzinin təbliğ edilməsidir.
Yarışa şəhərdə fəaliyyət göstərən 14 məktəb, cəmiyyət və klublardan 300-ə yaxın idmançı qatılaraq medallar uğrunda mübarizə aparmışlar. İki gün gərgin idman mübarizəsi şəraitində davam edən yarışda ümumilikdə 20 çəki dərəcəsində qaliblər müəyyənləşmişdir. Bunlardan Aylın Məcidli (28 kq), Zəhra Quliyeva (32 kq), Nigar Məmişova (36 kq), Nigar Əliyeva (40 kq), Fatimə Qurbanova (44 kq), Nazlı Səfərli (48 kq), Milena Hüseynova (52 kq), Nərmin Yusufova (57 kq), Bənurə Bağırova (63 kq), Nuranə Məhərrəmova (+63 kq) qızlar arasında, Bəhruz Şıxəliyev (34 kq), Fərid Xuduyev (38 kq), Elməddin Gözəlov (42 kq), Abdullah Kərimov (46 kq), Kamal İbadov (50 kq), Ramazan Rzayev (55 kq), Emil Şirinov (60 kq), İbrahim Balayev (66 kq), Bəhruz Məmmədov (73 kq) və Polad Poladov isə (+73 kq) oğlanlar arasında fəxri kürsünün ən yüksək pilləsinə qalxmışlar.
Ümumkomanda hesabında Təhsil Respublika İdman Mərkəzini Sumqayıt şəhər 2 nömrəli Uşaq Gənclər İdman Şahmat Məktəbinin komandası birinci, Təhsil Respublika İdman Mərkəzini Sumqayıt şəhər 1 nömrəli İxtisalaşdırılmış Olimpiya Ehtiyyatları Uşaq Gənclər İdman Şahmat Məktəbinin və Neftçi-İdman Cəmiyyətinin Sumqayıt bölməsinin komandaları isə müvafiq olaraq ikinci və üçüncü yerləri tutmuşlar.
Sonda qalib və mükafatçılara fəxri fərman, medal və hədiyyələr təqdim olunmuşdur.
Xəbərdən istifadə edərkən istinad etmək vacibdir.
