2022/23 mövsümü üçün hazırlıqlarını davam etdirən "Sumqayıt” FK bu gün hazırlıq çərçivəsində ilk yoxlama oyununda qüvvəsini sınayıb. Aleksey Baqanın yetirmələri "Kapital Bank Arena”da "Sabah”la üz-üzə gəlib. Komandamız 2:1 hesabı ilə qələbə qazanıb. Matçda "Sumqayıt” FK-nın qollarına Araz Abdullayev və İbrahim Əliyev imza atıb.
Qeyd edək ki, "Sumqayıt” FK hazırlıq prosesinin ilk mərhələsi çərçivəsində növbəti yoxlama oyununu "Kəpəz”ə qarşı keçirəcək. 14 iyul tarixinə planlaşdırılan qarşılaşma "Kapital Bank Arena”da baş tutacaq. Onu da nəzərinizə çatdıraq ki, "Sumqayıt” FK yeni mövsümə hazırlığın 2-ci mərhələsini 16-30 iyul tarixləri arasında Türkiyənin Bolu şəhərində keçirəcək.
Xəbərdən istifadə edərkən istinad etmək vacibdir.
