Gənclərin İnkişaf və Karyera Mərkəzinin Sumqayıt nümayəndəliyi və Sumqayıt şəhər Şahmat məktəbinin birgə təşkilatçılığı ilə, şəhidimiz, "XTQ” kəşfiyyat bölüyün manqa komandiri olmuş Şəhriyar Qasımovun xatirəsinə həsr edilmiş şahmat turniri həyata keçirilib. Turnir ümumilikdə qızlar və oğlanlar arasında, 3 tur olmaqla baş tutub.
İştirakçı gənclər, hər üç kateqoriya üzrə yarışaraq mükafatlandırılıb.
Turnirin bağlanış mərasimində şəhidin valideynləri və Yeni Azerbaycan Partiyası Sumqayıt şəhər təşkilatının sədri Ramiz Hüseynov çıxış ediblər.
Sonda, hər 3 kateqoriya üzrə yer tutmuş gənclər medal, kubok və hədiyyələrlə təltif edilib.
Xəbərdən istifadə edərkən istinad etmək vacibdir.
