2022/23 mövsümü üçün hazırlıqlarını davam etdirən "Sumqayıt” FK bu gün növbəti yoxlama oyununu keçirib. Aleksey Baqanın yetirmələri "Kapital Bank Arena”nın ehtiyat meydançasında "Kəpəz”lə üz-üzə gəlib. Komandamız rəqibini 3:2 hesabı ilə üstələyib. Oyunda "Sumqayıt” FK-nın qollarını Vüsal İsgəndərli, Elşən Abdullayev və Araz Abdullayev vurub.
Bununla da, "Sumqayıt” FK yeni mövsümə hazırlığın birinci mərhələsini başa vurub. Komandamız 1 günlük istirahətin ardından iyulun 16-da təlim-məşq toplanışının ikinci mərhələsi üçün Türkiyənin Bolu şəhərinə yola düşəcək. 30 iyul tarixinədək davam edəcək toplanış müddətində Aleksey Baqanın yetirmələri 3 yoxlama oyunu keçirməyi planlaşdırır. Rəqiblərin kimliyi və oyunların keçiriləcəyi tarix barədə klubumuzun rəsmi media hesabları tərəfindən məlumat veriləcək.
Xəbərdən istifadə edərkən istinad etmək vacibdir.
