Xorvatiyanin paytaxtı Zaqreb şəhərində keçirilən yunan-roma güləşi üzrə U-15 - yeniyetmələr arasında Avropa çempionatında Sumqayıt şəhərinin iki təmsilçisi fərqlənib.
38 kq çəki dərəcəsində çıxış edən Əli Sucayev bütün rəqiblərinə qalib gələrək fəxri kürsünün ən yüksək pilləsinə qalxıb. 68 kq çəki dərəcəsində çıxış edən Elnur Hüseynov isə yarımfinal görüşündə hakim haqsızlığına görə görüşdən məğlub ayrılıb. Buna baxmayaraq, medal imkanını itirməyən E.Hüseynov 3-cü yer uğrunda keçirilən görüşdə rəqibinə qalib gələrək yarışın bürünc mükafatına yiyələnib.
Qeyd edək ki hər iki idmançımız yeni yaranmış Şəhid "Cəbrayıl Dövlətzadə" adına "igid" idman klubunun təmsilçiləridir. Şəhidimizin adının əbədiləşməsi və güləş idman növünə dəstək olmaq üçün yaradılan klubun tezliklə ilk nailiyyətlərini əldə etməsi qürurvericidir.
Xəbərdən istifadə edərkən istinad etmək vacibdir.
