Milli Məclisin deputatı Müşfiq Məmmədli Azərbaycanda fəaliyyət göstərən Boccia İdman Federasiyasının atletləri ilə görüşüb.

M. Məmmədli qeyd edib ki, ölkəmizdə boccia idmanının yaradılması Heydər Əliyev Fondunun vitse-prezidenti Leyla Əliyevanın təşəbbüsü ilə reallaşıb. Azərbaycan idmanı üçün yenilik olan bu idman növündə ağır kateqoriyalı əlillik dərəcəsi olan uşaqlar, gənclər və yaşlılar güclərini sınayırlar.

Deputat görüş zamanı Niderlanddan Vətənə qələbə ilə qayıdan atletləri təbrik edərək "Boccia" idman növü ilə yaxından tanış olub. Federasiyanın Vitse-prezidenti və baş məşqçisi İlham Məhərrəmov Çempionat zamanı baş verən hadisələri, Boccia atletlərinin 3 qızıl və 3 bürünc medal qazanaraq Azərbaycan bayrağını zirvələrə qalxmasını bildirdi. İdmançılar və məşqçilərlə söhbət əsnasında deputat bu idman növünün həssas təbəqənin üzvlərinin bu idmana cəlb olunmasının mahiyyətini vurğulayaraq, gələcəkdə Sumqayıt və ya ətraf regionlarda Boccia idman növü üzrə klubların yaradılmasının vacibliyini qeyd edib.

Görüşün sonunda xatirə şəkilləri çəkdirildi.