Bu ilin martında "Sumqayıt"a qayıdan, iyunda ayrılaraq yenidən "LNZ Çerkassı"ya keçən Andrey Popoviç iddia ilə çıxış edib.
Qapıçı Ukrayna klubuna dönüşünün rəsmiləşməsi üçün 5000 dollar ödədiyini bildirib.
Belə ki, o, məhz bu qədər məbləği "kimyaçılar”a verdikdən sonar transfer vərəqini ger aldığını söyləyib.
"Sumqayıt"ın idman direktoru Faiq Hacı-Məhərrəmov bu iddialarla bağlı Sportinfo.az-a açıqlama verib:
"Andrey Popoviç mart ayında klubumuzla 2024-cü ilin iyun ayının 30-a qədər nəzərdə tutulan müqavilə imzaladı.
Futbolçunun gəldiyi klubla "Sumqayıt” arasındakı müqaviləyə əsasən, əgər Ukraynada çempionat bərpa ediləcəkdisə, biz onu yalnız "LNZ Çerkassı"yə qaytara bilərdik.
Məsələnin ən pis tərəfi məhz yeni mövsüm üçün hazırlıqlara başladığımız gün Popoviç sabiq klubuna qayıtmaq istədiyini bildirdi. O, buranı tərk edərək Ukraynanaya getməklə, komandanı həqiqətən çox pis vəziyyətdə buraxdı.
Bu məsələnin birinci tərəfi. Daha sonra Ukraynada olduğu müddətdə zəng edərək, çempionatın avqustun sonunda başlayacağını bildirdi və sənədlərinin göndərilməsini istədi.
Hətta klubdan bizə rəsmi məktub da daxil oldu ki, ilkin varianta görə, çempionatın avqustun 25-də başlayacağı planlaşdırılır.
Biz də rəsmi şəkildə futbolçuya bildirdik ki, müqavilənin şərtlərinə uyğun olaraq, Ukrayna Futbol Federasiyası çempionatın başlama tarixini rəsmən açıqladığı gün onun transfer vərəqəsi veriləcək.
Bu barədə "LNZ Çerkassı”ya da rəsmi müraciət ünvanladıq. Müraciətdə bildirdik ki, avqustun 25-də məlum hadisələrlə bağlı çempionat başlayacağı halda, transfer vərəqəsini həmin gündə göndərəcəyik.
Məktubda onu da göstərdik ki, rəsmi olaraq çempionat həmin tarixdə başlamayacağı halda, Popoviçi "Sumqayıt”a qaytarmalısız.
Ukrayna klubu bu şərtlə razı olmadı və onun azad agent kimi transfer vərəqəsini tələb etdi.
Biz isə bu şərtlə razılaşmadıq, səbəb də ondan ibarətdir ki, biz Popoviçin transfer vərəqəsini göndərəcəyimiz halda, o, rahat şəkildə başqa kluba keçə bilərdi.
Xüsusi vurğulararaq bildirmək istərdik ki, Popoviçin sabiq klubu ilə aramızda olan müqavilə məhz çempionat başlayanda onun həmin komandaya qayıtarılması ilə bağlı idi.
Bununla bağlı klub və futbolçu ilə aramızda bütün yazışmalar qalıb. Yəni, müqavilə şərtlərinə uyğun olaraq, "LNZ Çerkassı”dan heç bir məbləğ istəmədik.
Qeyd edim ki, bu danışıqlarla parallel, "Minay” da Popoviçlə bağlı "Sumqayıt”a rəsmi müraciət ünvanlamışdı.
Daha sonra Popoviç özü zəng edərək, "LNZ Çerkassı"nın bu şərtlə razı olmadığını bildirdi, bir daha transfer vərəqəsini istədi.
Təbii ki, mühribə ilə əlaqədar Ukraynada çempionat başlamaya və Popoviç azad agent kimi həmin sənəddən istifadə edərək, rahat şəkildə başqa kluba keçə bilərdi.
Halbuki bizimlə 2 illik müqaviləsi var idi. Bir məsələni də vurğulayaq ki, Popoviç "Sumqayıt”da olduğu müddətdə əməkhaqqısını qəpiyinə kimi alıb, üstəlik, bonuslarını da.
Klub onun ailəsini müharibə şəraitində olan ölkədən gətirilməsinə kömək edib. Ailəsi üçün hər bir şərait yaradılıb, evlə təmin eləyib. Yəni, onun özü və ailəsi üçün klub tərəfindən hər bir şərait bütünlüklə yaradılıb.
Qaldı ki həmin məbləğə, sadəcə olaraq, klub bu müddət ərzində ona xərclədiyi məbləği tələb edib.
Əlbəttə, onun transfer vərəqəsini verməklə, normal şəkildə bizimlə müqaviləsi olan bir futbolçunun başqa kluba keçməsini istəməzdik”.
Xəbərdən istifadə edərkən istinad etmək vacibdir.
