Sumqayıt şəhər Gənclər və İdman Baş İdarəsinin təşkilatçılığı ilə "27 sentyabr Anım günü”nə həsr edilmiş 2008-2009-cu il təvəllüdlü yeniyetmələr arasında sərbəst güləş üzrə şəhər birinciliyi keçirilib.
Xeberle.com xəbər verir ki, birincilikdə şəhərin məktəb, cəmiyyət və klublarının 100-dən artıq idmançısı qalib adı uğrunda mübarizə aparıb.
İki gün davam edən gərgin və maraqlı idman mübarizəsi şəraitində keçən yarışda İbrahim Süleymanov, Nicat Süleymanov, Hüseyn Mustafayev, Məmmədəli Cəlilov, Cümşüd Orucov, Fəxri Əsədov, Sadiq Abbasov, Abdin Abdinov, Murad Nağdəliyev və Fuad Quliyev bütün rəqiblərinə qalib gələrək fəxri kürsünün ən yüksək pilləsinə qalxıb.
Yarışın qalib və mükafatçıları şəhər Gənclər və İdman Baş İdarəsi tərəfindən fəxri fərman, medal və hədiyyələrlə təltif olub.
Xəbərdən istifadə edərkən istinad etmək vacibdir.
