Sumqayıt şəhər Gənclər və İdman Baş İdarəsinin təşkilatçılığı ilə 02 oktyabr 2022-ci il tarixində Paralimpiya İdman Kompleksində "27 sentyabr-Anım günü”nə həsr edilmiş milli karate (WKF) üzrə uşaq, yeniyetmə və gənclər arasında şəhər birinciliyi keçirilmişdir.
Açılış mərasimində çıxış edən şəhər Gənclər və İdman Baş İdarəsinin rəisi Elgün Hümbətov, Azərbaycan Milli Karate Federasiyasının prezidenti Yaşar Bəşirov çıxışlarında Ümummilli liderimiz Heydər Əliyevin Azərbaycana rəhbərlik etdiyi bütün dövrlərdə idmanın inkişafına xüsusi diqqət yetirildiyini, bu sahənin Dövlət siyasətinin prioritetlərindən birinə çevrildiyini və yüksəlişinin əsası qoyularaq müstəqil Azərbaycanın həm də bir idman ölkəsi kimi beynəlxalq aləmdə tanınmasını qeyd etmişlər. Natiqlər ölkəmizdə idmanın sürətli inkişafından Azərbaycan Respublikasının Prezidenti cənab İlham Əliyevin apardığı məqsədyönlü işlərdən 44 günlük Vətən müharibəsi zamanı Silahlı Qüvvələrin keçdiyi şərəfli və qürurlu döyüş yolundan danışmışlar.
Maraqlı idman mübarizəsi şəraitində keçən birinciliyin qalib və mükafatçıları müəyyənləşmiş, onlara fəxri fərman, medal və hədiyyələr təqdim olunmuşdur.
Xəbərdən istifadə edərkən istinad etmək vacibdir.
