Sumqayıt şəhər Gənclər və İdman Baş İdarəsi, Şimal Regional Futbol Federasiyası və Sumqayıt Futbol Klubunun birgə təşkilatçılığı ilə 01-05 noyabr 2022-ci il tarixlərində Sumqayıt şəhər "KapitalBank” Arenada "Zəfər Kuboku” uğrunda mini-futbol üzrə idarə, müəssisə və təşkilatlar arasında şəhər turniri keçirilmişdir. Yarışda ümumilikdə 16 komanda qalib adı uğrunda mübarizə aparmışdır.
Turnirin keçirilməsində məqsəd şəhərdə "Zəfər günü”nün qeyd edilməsi, mini-futbol idman növünün kollektivlər arasında kütləviləşdirilməsi və sağlam həyat tərzinin təbliğ edilməsidir.
Maraqlı və gərgin idman mübarizəsi şəraitində keçən turnirdə Sumqayıt şəhər Polis İdarəsinin komandası birinci, "SOCAR karbamid” zavodunun və Suqmayıt Bulvarının komandaları müvafiq olaraq ikinci, üçüncü yerləri tutmuşlar.
Qalib komandalar fəxri fərman, medal, kubok və hədiyyələrlə təltif edilmişdir.
Xəbərdən istifadə edərkən istinad etmək vacibdir.
