"Albaniya millisi Ermənistana qalib gəlsə, Ansi və Telliyə mükafat verəcəm”
Bu sözləri "Qarabağ”ın baş məşqçisi Qurban Qurbanov bu gün U-21-lə qarşılaşmadan sonra deyib.
Jurnalistlərin Ağdam klubunun müdafiəçisi Ansi Aqollinin Tiranadakı mətbuat konfransında səsləndirdiyi fikirlərlə bağlı sualına cavab olaraq çalışdırıcı bildirib ki, Albaniya qalib gəlsə, təkcə Aqolli deyil, həmin ölkənin millisinin sabiq müdafiəçisi, hazırda "Qarabağ”ın şərəfini qoruyan Admir Telliyə də mükafat verəcək.
Xatırladaq ki, Ermənistanla qarşılaşmanın hazırlığına qatılan Ansi Aqolli qalib gələcəkləri halda klubu tərəfindən ona mükafat veriləcəyini alban jurnalistlərlə söhbətində açıqlamışdı.  (anspress.com)