2023-cü ilin oktyabr ayında Rusiyada 1 kq bananın orta pərakəndə satış qiyməti 143.4 rubl təşkil edib.
Xeberle.com məlumat verir ki, bu barədə RBC "Rosstat"ın hesabatına istinadən yazıb.
2022-ci ilin oktyabrında - ötən ilin eyni dövründə qiymət 97.7 rubl təşkil edib ki, bu da 47% artım deməkdir. İllik ifadədə qiymətlərin bu artım tempinin 2000-ci ildən bəri "Rosstat"ın bütün mövcud müşahidə dövrü üçün maksimum olduğu üzə çıxıb. Əvvəlki maksimum illik qiymət artımı 2015-ci ildə qeydə alınıb - o zaman bananın qiyməti 51.7 rubldan 69.8 rubla qədər bahalaşmışdı - 35,2%.
Bananın bahalaşması rublun məzənnəsinin aşağı düşməsi ilə bağlıdır. Onların dəyəri dünya valyutalarının məzənnəsi ilə bağlı olan idxal təchizatından asılıdır. May ayında dolların məzənnəsi 80 rubla yaxın idisə, oktyabrda 100 rublu keçib.
Avqust ayında portağalın istehlak qiymətləri 2022-ci ilin eyni ayı ilə müqayisədə 71% artıb. Bu meyvə növünün qiymətinin artması bütün zamanların rekordu olub. Noyabr ayında əhalinin inflyasiya gözləntiləri və müşahidə olunan inflyasiya ilə bağlı təxminləri artıb. Son 12 ayda inflyasiya İnFOM layihəsinin sorğusunda iştirak edənlər tərəfindən orta hesabla 15.1% səviyyəsində qiymətləndirilib.
Xəbərdən istifadə edərkən istinad etmək vacibdir.
