Niderlandın beynəlxalq bank və maliyyə xidmətləri korporasiyası ING (Internationale Nederlanden Groep) "Brent" markalı etalon neftin orta qiyməti ilə bağlı proqnozunu yeniləyib.
Bu barədə "APA-Economics" "ING Group"un may ayı üzrə proqnozuna istinadən xəbər verir.
Belə ki, "ING Group" 2024-cü il üzrə "Brent" markalı etalon neftin orta qiyməti ilə bağlı proqnozunu 86 ABŞ dollarından 85 dollaradək endirib.
Proqnoza əsasən, 2025-ci ildə "Brent” neftinin orta qiymətinin 80 dollar təşkil edəcəyi ehtimal olunur (proqnoz dəyişməyib).
Bundan başqa "ING Group" "Brent”in 2026-cı il üçün proqnozunu açıqlayıb. Belə ki, qeyd olunan göstəricinin 75 dollar səviyyəsində olacağı ehtimal olunur.
Qeyd edək ki, "ING Group" hesablamalarına əsasən 2023-cü ildə "Brent” markalı neftinin orta qiyməti 82 dollar təşkil edib.
Xəbərdən istifadə edərkən istinad etmək vacibdir.
